Mai fir kahani gadhne lagi

Mez pe rakh chai ki pyali,
Mai kalam kagaz liye baith gayi,
Tabhi hui aahat us din ki,
Mai kalam chod ke theher gayi,
Mehak uthi man hi man me mai
Likhna to mai bhul gayi.
Un lamho ki yaado me mai,
Tanhai me bhi chehak uthi
Aankh moond ke fir mai apni,
Yaadon ki neend me sone lagi,
Apni kalpanaon ko aadhar banakar,
Mai fir se vo pal jeene lagi,
Baithe baithe yunhi ekant,
Mai fir kahani gadhne lagi.

Halchal hui hawa ki fir jab,
Vo chai ki pyali chalak gayi,
Kagaz kalam bhi bheeg gaye aur,
Yaadon ki neend bhi toot gayi,
Likhne se pehle kagaz ki
Ye dasha dekh ke hans padi,
Khadi uthi mez se fir mai,
Apne kaam ko nikal chali
Apne kdmo ki aahat me mai
Chupe vicharon ko dhundhti chali,
Kalpanaon ke samandar me mai
Fir se maddham behne lagi
Chalet chalte yunhi ekant,
Mai fir kahani gadhne lagi.