Ek swapn

Har raat mai apni aankhein mundu,
Aankhein mundu is khwaish me
Nikal chalu us lok me mai,
Jis lok me humare din beete.

Meri aakanksha ek swapn ki,
Swapn jo bilkul sach lage
Jhoot lage bs ek sachchai,
Sachchai ki wo din juzar chuke.

Aa jae esa khwab koi,
Khwab jisme hum fir jiyen
Mai sun saku un tahako ko,
Jo bina baat ke gunj uthen.

Kaash! hum mil jaen fir se,
Bhale hi ek swapn me
Keh paungi mai bhi sabse,
Mai jeeti hu bs sapno me!