Na Samajh Saka

Jab tu roya,to tu toota
na roya to tune ghunta
ghunta aansu mayusi ka
tere ekal vilaap me,tere aakul sangeet ka
rag na koi smjh saka

Tu maun raha,to tu jhoota
bola bhi tu to khak suni
lafzo ki tere rakh bani
tere mukh ki muskan me,tere ekant shok ka
raz na koi smjh saka

Jo bichad gaya,vo yad raha
jo pas raha vo khas nhi
tere man me bhi aas nahi
tere badhte un kadmo me,teri jarzar thakan ka
bhed na koi smjh saka

Jo smjh gaya,vo sath chala
jo na smjha vo chut gaya
tera man bhi kya ruth gaya?
akela musafir duniya me,akeli teri kahani hai
jo pas rha vo apna hai
jo chut gaya vo sapna
is vishal sansar me,apne anuthe astitva ka
sar na tu smjh saka!!