Kavi ki kalpana

Us kavi ki kalpana bhi kuch adbhut thi,
Na shauk use kahani gadne ka
Na krta vo parikalpana
Utarta un chand khayalo ko kagaz pe
jo aate uske tanha man me rozmarra.
Anjano ki basti me tehelta vo begana sa,
Uski pyas hi kuch khas thi
Thand bhari rat me machchan par baithe Thithurte kisan ko
Talap ho jaise aag ki.
Uski manzil na jane kya thi
Jo rasto me hesha kho jati
Anjani raho me bhi vo bator leta chand sawaal
Ese hi sawaal uthte uske vyakul man me rozmarra
Apne khule vicharo ke pankh liye
Udta vo nabh me matwala sa
Uski chahat bhi kuch khas thi
Aasman ko napti chulbuli chidiya ko
Abhilasha ho jaise kshitij ki
Swarg ka deepak suraj bhi usko dekh muskura jata
Jab har roz vo usse milne ki taiyari me jut jata
Apni isi udaan me sahej leta vo chand vichar
Ese hi vichar panapte uske ekant man me rozmarra.
Apne sathi kagaz aur kalam liya
Rehta vo khoya khoya sa,
Uski tadap hi kuch khas thi
Registan me chalte musafir ko
Aas ho jaise paani ki
Barso se chup diware bhi
Uski tareefo ke geet gati
Jab kabhi uski kavitaen band kamre me gunjti
Shayad yahi tha uski vicharsheel sanrachnao ka raz
Ki use virasat me mila tha bas swasbhiman.